ძაღლის აყვანას გეგმავთ, მაგრამ არ მოგწონთ, როდესაც შინაური ცხოველი გამუდმებით ყეფს? განაგრძეთ კითხვა და გაეცანით ყველაზე მშვიდი ბუნების ჯიშებს, მაგრამ მნიშვნელოვანია იცოდეთ, რომ ყველაზე მშვიდი ძაღლებიც კი, პერიოდულად ყეფენ. არ არსებობს გარანტია, რომ განსაზღვრულ ჯიშთან დაკავშირებით პრობლემა არ შეგექმნებათ. 

როგორ გადავაჩვიოთ ძაღლი ყეფას?

კინოლოგების რჩევით, მნიშვნელოვანია ძაღლის კეთილდღეობაზე ვიზრუნოთ. გარდა ამისა, სწორედ დავტვირთოთ ცხოველი, როგორც ფიზიკურად, ისე გონებრივად.

და მაინც, ჩამონათვალში მოხვდნენ ძაღლის ის ჯიშები, რომლებიც სხვებზე გაცილებით ნაკლებს ყეფენ.

ბასენჯი



ამ ჯიშს ხორხის უჩვეულო ფორმა აქვს. სწორედ ამიტომ, მას არ შეუძლია ყეფა და ამის მაგივრად უცნაურ ხმებს გამოსცემს. მაგრამ არ ინერვიულოთ, მას დიდი ხნით ხმიანობა თავადაც არ სიამოვნებს. ბასენჯი​ მშვიდი, ჭკვიანი და ენერგიული ჯიშია. რაც მთავარია, მას აუცილებლად სჭირდება პოზიტიური წვრთნა და ადეკვატური ვარჯიშები.

გერმანული დოგი



ყველა ჩვენგანმა იცის, რომ ეს ძაღლის უზარმაზარი ჯიშია (ხვადი შესაძლოა, 90 კგ-მდე იწონიდეს) და თუ ყეფას დაიწყებს, მას საკმაოდ მაღალი ხმა აქვს. მიუხედავად ამისა, ეს არც ისე ხშირად ხდება.  გერმანული დოგის პატრონები დაეთანხმებიან მოსაზრებას, რომ ის საოცრად მშვიდი ხასიათით გამოირჩევა და მისი გაწვრთნა არც თუ ისე რთულია.

ნიუფაუნდლენდი



ნიუფაუნდლენდი საუკეთესოდ ცურავს, ამიტომ სამაშველო სამუშაოებში შეუცვლელი დამხმარეა. ამასთანავე, ეს ჯიში მშვიდია და ბევრს არ ყეფს. მას ბავშვები ძალიან უყვარს და  ხშირად "ძიძა ძაღლს" უწოდებენ.

ინგლისური ბულდოგი და ფრანგული ბულდოგი



თამაშის მოყვარული  ჯიში, საოცრად მშვიდი ხასიათით გამოირჩევა. ცნობილია, რომ მას ძილი და სავარძელზე ნებივრობა ძალიან მოსწონს. და რაც მთავარია, ყეფა დიდად არ უყვარს.

ირლანდიური სეტერი



აქტიური და ჭკვიანი ჯიში, რომლისთვისაც მთავარია აქტიური და ენერგიული ცხოვრება. სანამ ირლანდიური სეტერი ფიზიკურ და აზრობრივ ვარჯიშებს საკმარისად აკეთებს, ის იშვიათად დაყეფს.

კა­ვა­ლერ კინგ ჩარლზ სპა­ნი­ე­ლი​



რთულია, გაუძლო მის საყვარელ გამომეტყველებას, ყავისფერ თვალებსა და ფუმფულა დიდ ყურებს. ამ ჯიშს ადამიანების გარემოცვა განსაკუთრებით ახარებს. მისთვის ტრაგედიაა პატრონთან დიდი ხნით განშორება. სწორედ, პატრონთან განშორება შეიძლება გახდეს ყეფის მთავარი მიზეზიც.

გრეიჰაუნდი



თბილი და დამოუკიდებლობის მოყვარული ძაღლი, მშვიდი ხასიათით გამოირჩევა. გრეიჰაუნდი სახლში თამაშის დროსაც კი უხმაუროა და ცოტას ყეფს.  ეს მონადირე ჯიშია, რომელიც მსხვერპლს ჩუმად უთვალთვალებს.

შიბა ინუ



შიბა ინუს სამშობლო იაპონიაა, სადაც ის ნადირობისთვის გამოიყვანეს: ეს ჯიში საოცრად სწრაფი და ჭკვიანია. ის ბუნებით დამოუკიდებელი ცხოველია და დიდ ყურადღებას არ მოითხოვს. შიბა ინუ ყეფს იმ დროს, თუ ძალიან გაბრაზებულია ან რაიმეზე ღელავს.

კოტონ დე ტულეარი



უცხო არ არის, რომ ეს პატარა ჯიშის ძაღლი სპეციალურად სამეფო ოჯახისთვის გამოიყვანეს:  ტულეარი საოცრად  მშვიდი და საყვარელი შინაური ცხოველია, მაგრამ მისი გარეგნობა ნუ მოგატყუებთ. ამ ჯიშისთვის მარტოობა დეპრესიის პირველი მიზეზია. ამიტომ, ის ყეფას იწყებს, თუ ხვდება, რომ დაივიწყეს.

სენბერნარი



მოსიყვარულე და ოჯახის ერთგული წევრი, რომლის სამშობლო შვეიცარიაა. სენბერნარი ზოგადად მშვიდია, თუმცა, ის  ყეფას იმ შემთხვევაში იწყებს, თუ მის ტერიტორიაზე  უცხო პირი შეიპარა ან ოჯახის წევრის ყურადღებას ითხოვს.

ჩაუ ჩაუ



ჩაუ ჩაუს ჯიშის ძაღლები ოდესღაც მონასტრებსა და სასახლეებს იცავდნენ. იგი დამოუკიდებელი, მშვიდი და საზრიანია. ყეფა მათი თავდაცვითი რეაქციაა.

მალამუტი



ეს საუკეთესო ჯიშია ოჯახისთვის, მაგრამ შესაძლოა, შეუთავსებელი აღმოჩნდეს მათთვის, ვისაც პატარა ბავშვები ან სახლში სხვა ცხოველი ჰყავს. მალამუტი უძველესი ძაღლის ჯიშია, რომელიც მოიშინაურეს. მის გენებში ჯერ კიდევ მტაცებლის ინსტინქტებია.

წყარო: rd.com

ასევე იხილეთ:

ძაღლის 10 ჯიში, რომელიც მარტივად სწავლობს ბრძანებებს

12 ყველაზე სოციალური ძაღლის ჯიში

ძაღლის 10 უძველესი ჯიში