ცალმხრივი სიმპათია
ეს ლეკვი მეორე ლეკვს აჩვენებს, რომ მას მოსწონს იგი, მაგრამ რაკი პასუხად აგრესიას იღებს, მზად არის გაიქცეს და არც თავს დააკბენინებს.
შეხვედრები
ძაღლები პირველი შეხვედრისას, როგორც წესი, უფრო თავშეკავებულად იქცევიან, ვიდრე ისინი, რომლებიც ადრე უკვე გადაეყარნენ ერთმანეთს. ამ შემთხვევაში შეხვედრა ძალზე სწრაფად შეიძლება გადაიზარდოს აგრესიაში. შესაძლოა პირიქით მოხდეს – არად
ღრენა
ამ ძაღლმა კბილები დაკრიჭა და უღრენს ძაღლს, რომელიც მისკენ მიემართება.
გამოწვევა
ეს ძაღლიც მეორის გამოწვევას ცდილობს _ პირი დააღო და კბილები დაკრიჭა.
ბრაზიანი პასუხი
ამ ძაღლს დაფჩენილი ხახა ძალზე ახლოს აქვს მიტანილი მეორე ძაღლის დრუნჩთან – ეს ძალზე სახიფათო ქცევაა.
აგრესიის შესაძლო მიზეზი
ეს ძაღლი, შესაძლოა, მწარედ დაკბინეს სეირნობის დროს. ამის გამო უნებლიეთ ნერვიული და სხვა ძაღლის მიმართაც აგრესიული გახდა გარკვეული დროის განმავლობაში. თუ თქვენს ძაღლს მსგავსი რამ შეემთხვა, შეიძლება კინოლოგის დახმარება დაგჭირდეთ.
უსიამოვნებებისგან თავის დაღწევა
თუ ძაღლს, რომელსაც რაიმე სტკივა, გადაეკიდა ანცი მოძმე და სათამაშოდ იწვევს, ის ძალზე ნათლად გააგებინებს, რომ არ სურს აყოლა. თავისი განწყობის გამოსახატავად დაჯდება, ფეხს არ მოიცვლის, კბილებს დაკრეჭს და ხმამაღლა დაიწყებს ღრენას. მნიშვნელოვანია, მზად იყოთ ასეთი შესაძლო რეაქციისთვის მაშინაც კი, თუ თქვენი ძაღლი ჩვეულებრივ ვითარებაში ძალზე მეგობრული და ხალისიანია. თუ ზემოხსენებულის მსგავსი რამ შეემთხვა, შეეცადეთ, ვიდრე დამშვიდდებოდეს, იმ ადგილიდან მოშორებით ავარჯიშოთ, რათა საბელშეხსნილ, თავისუფლად მოსეირნე ძაღლებს არ გადაეყაროს.
თუ თქვენს ძაღლს თავს დაესხა მეორე ძაღლი და გაანერვიულა, გაარიდეთ. მაგრამ ნუ გაგიკვირდებათ, თუ თქვენი ოთხფეხა მეგობარი მომავალშიც უნდობლად შეხვდება ძაღლებს, რომლებიც გარეგნულად მის თავდამსხმელს ჰგვანან.
მტრების დაშორება
შეხვედრის დროს ძაღლების მიერ გამოვლენილი აგრესიის მიზეზი ყოველთვის მტრობა როდია – შეიძლება იყოს თავდაცვის რეაქციაც. ყველაზე ხშირად ეს ხდება მაშინ, როდესაც საბელშებმულ ძაღლს ასეირნებთ, მოულოდნელად კი საიდანღაც უსაბელო ძაღლი შემოგახტებათ. თქვენი ძაღლი ამ დროს თავს დატყვევებულად იგრძნობს, განსაკუთრებით, თუ ის ძალით მიგყავთ, მეორე ძაღლი კი თან მოგყვებათ. საუკეთესო გამოსავალია, თქვენი ოთხფეხა მეგობარიც სწრაფად გაარიდოთ იქაურობას. ამით მეორე ძაღლი უცებ დაკარგავს თქვენდამი ინტერესს. თუ დარჩით, ეს მისთვის იქნება ნიშანი, რომ თქვენ უკან არ იხევთ, და ამით უფრო მეტ აგრესიას გამოიწვევთ მისი მხრიდან. ორი საბელშებმული ძაღლი შეხვედრისას, უმჯობესია, ახლოს არ მივიდნენ ერთმანეთთან, რადგან მათი შემდგომი ქცევის გათვალისწინება საკმაოდ ძნელია.
რჩევა
ზოგიერთი ძაღლი აგრესიულად იქცევა მაშინაც კი, როცა აშკარა საფრთხეს ვერ ხედავს.
რჩევა
გაითვალისწინეთ, რომ ძაღლები უფრო აგრესიულად იქცევიან ელვა-ქუხილის დროს.
ფრთხილად!
ყოველთვის ფხიზლად იყავით იქ, სადაც ძაღლი ჩვეულებრივ სეირნობს, და შეეცადეთ, დაიცვათ ნებისმიერი შესაძლო დაპირისპირებისგან.