სათამაშოების შერჩევა
ჩვენს დროში ხელმისაწვდომი სათამაშოების არჩევანი გამუდმებით ფართოვდება; ზოგიერთი სათამაშოს საშუალებით შესაძლებელია ლეკვის გონიერების შემოწმება, ფიზიკური გავარჯიშება და სხვ. გაითვალისწინეთ, რომ ძაღლის სათამაშოები საიმედოდ გაკეთებული უნდა იყოს, განსაკუთრებით ლეკვებისთვის, რომლებიც მათ საღეჭ ნივთებად მიიჩნევენ და აფუჭებენ. სათამაშოს ზომა ისეთი
ბურთით თამაში
ეს მოპსის ლეკვი მიშტერებია მის წინ დაგდებულ სათამაშო ბურთს, რომლის აღებაც თავისი ფართო დრუნჩით თავისუფლად შეუძლია. ბურთის გაგორებას ფეხებითაც ახერხებს.
სათამაშო ადგილის გამონახვა
ლეკვებისთვის სათამაშოების არჩევისას უნდა გაითვალისწინოთ ადგილიც, სადაც ისინი ითამაშებენ. მაგალითად, სასროლი დისკო ადვილად დაიკარგება, თუ ეზოს მესერს იქით გადავარდა. ლეკვები ბუნებით გამომგონებლები არიან და შეუძლიათ თავად გამოიგონონ თამაში, მაგალითად, აგორაონ ჩამოცვენილი ვაშლები, როგორც ერთჯერადი ბურთები. ამ საკითხში თავს იჩენს ცალკეული ლეკვის ინდივიდუალობა. მის მიერ მოგონილი თამაში, მაგალითად, ბურთის ბორცვიდან ჩამოგორება და მისი გამოდევნება, ზრდასრულ ასაკშიც არ ავიწყდება, რადგან კარგი მეხსიერება აქვს. მომავალ წელს, როგორც კი ხიდან ჩამოცვენილ ვაშლებს დაინახავს, ისევ დაუწყებს თამაშს.
ლეკვები და ბავშვები
ზოგიერთი ლეკვი განსაკუთრებით ათლეტურია _ შეუძლია აქეთ-იქით ხტუნვა და სირბილი. ერთ-ერთი მიზეზი, რის გამოც ლეკვები და ბავშვები ასე კარგად ეწყობიან ერთმანეთს (თუმცა, ყოველთვის მეთვალყურეობა სჭირდებათ) არის ის, რომ ორივე, როგორც წესი, მოუსვენარი და თამაშის მოყვარულია. ლეკვისთვის სულერთია, სათამაშოები ვისია – თავისი თუ ბავშვების. თუ ბავშვის ფეხბურთის ბურთით დაიწყებს თამაშს, ბოლოს წვეტიანი კბილებით დახვრეტს კიდეც. ძაღლის სათამაშოები გაცილებით გამძლეა.
წონასწორობის დაცვა
ეს ახალგაზრდა ლაბრადორ რეტრივერი თამაშის დროს წონასწორობის დასაცავად კუდს იყენებს.
თამაშის უპირატესობა
თუ რეგულარულად ეთამაშებით ლეკვს, გაწვრთნა გაგიადვილდებათ. რამდენიმე ელემენტის შესწავლა და ათვისება თამაშის დროსაც შეიძლება, მაგალითად, დაძახებაზე პატრონთან მისვლა (ეს ძალიან მნიშვნელოვანია). ასევე ძალზე ადვილია, ასწავლოთ ბრძანების `დააგდე~ (იხ. გვ. 33) შესრულება. თუ ერთ ლეკვზე მეტი გყავთ, უპრიანია, ცალ-ცალკე ეთამაშოთ, რადგან უფრო ბეჯითად იმუშავებენ და ყურადღება არ გაეფანტებათ.
საპნის ბუშტების დევნა
ეს საპნის ბუშტი ბურთს ჰგავს, ამიტომაც ახტა ლეკვი მის დასაჭერად. ამ დროს ფრთხილად იყავით, თუ ბუშტი თვალებთან ახლოს გასკდა, ძაღლს ტკივილს მიაყენებს.
ბუნებით ცელქი
ლეკვმა მხრები გაშალა, წინა ფეხები გამოსწია და სათამაშოდ გამოწვევის პოზა მიიღო. მისი სხეულის ენის თანახმად, მას თამაში უნდა.
რჩევა
ფრთხილად იყავით პარკებში, რადგან ლეკვი შეიძლება ბავშვებისკენ გაიქცეს მათთან ერთად სათამაშოდ. თუ ასე მოხდა, იზრუნეთ, რომ ბავშვები ლეკვს ფრთხილად მოექცნენ და არ გააბრაზონ.
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით