ჩემპიონი
მეორე ლეკვი სჯობნის, თუმცა მისი ძამიკო მთელი ძალით ცდილობს, ყბებიდან გამოჰგლიჯოს სათამაშო. ასეთ დროს სუსტ ინდივიდს ყურები უკან აქვს გადაწეული, რაც დამორჩილებას ნიშნავს.
კარგი სათამაშოები
ლეკვებს ათასნაირი სათამაშოთი შეუძლიათ თამაში, მაგრამ უნდა მიაჩვიოთ რბილი და გლუვი საგნების გამოყენებას, რომლებიც პირის ღრუს არ დაუზიანებენ. ეს შეიძლება იყოს მაგარი
ჯიუტად დგომა
ჯეკ რასელ ტერიერის ლეკვი ბაგირის გადაწევის დროს ღონიერ უკანა ფეხებს ეყრდნობა.
ქცევითი პარალელები
ყველა ლეკვი მონაწილეობს ასეთ გაწევ-გამოწევაში, რომლის წარმოშობასაც, შესაძლოა, საფუძვლად უდევს მგლების მონადირული ქცევა. მგლის ხროვის წევრებს ზოგჯერ უძნელდებათ მსხვერპლის ძვლებიდან ხორცის აცლა, სამაგიეროდ ადვილად ახერხებენ ლეშის ნაწილებად დაგლეჯას გაწევ-გამოწევით. ამ დროს მონადირე მგლები ნანადირევს აგლეჯენ მყესებს, ლუკმა-ლუკმა ანაწევრებენ და ხარბად სანსლავენ ხორცის ნაჭრებს. შემდეგ შეიძლება დამშვიდდნენ და გადავიდნენ ძვლების ღრღნაზე, რაც მგლის კბილებს ასუფთავებს და ქვების ნადებისგან იცავს. შინაური ძაღლები ენერგიული თამაშის შემდეგ, როგორც წესი, მშვიდდებიან და ძვლების ნაცვლად (რასაც თქვენ არასოდეს შესთავაზებთ) სათამაშოს დასაღეჭად სხდებიან.
ცხარე ორთაბრძოლა
ბაგირის გადაწევას სხვა დანიშნულებაც აქვს _ ამით ლეკვებს თავიანთი ძალ-ღონის შემოწმებისა და ხროვის იერარქიის ჩამოყალიბების საშუალება ეძლევათ. ამ შეჯიბრებაში, როგორც წესი, მონაწილეობს მხოლოდ ორი ინდივიდი, თუმცა სხვა ლეკვიც შეიძლება შეუერთდეს, რასაც ორივე მეტოქე შეეწინააღმდეგება და შესაშინებლად ხმამაღალი ღრენით გამოხატავენ თავიანთ დამოკიდებულებას. ეს უფრო დაუპატიჟებელი სტუმრების განდევნას ჰგავს. ნაყარის სხვა წევრები, ჩვეულებრივ, ყურადღებას არ აქცევენ მოჩხუბარ ლეკვებს, სანამ ისინი ერთმანეთს ეჯიბრებიან. არ ერევა დედაც. შერკინებული ძაღლები საკმაოდ თანაბარი ტონით იღრინებიან. ღრენა, როგორც წესი, დაკავშირებულია გაწევ-გამოწევის რიტმთან. კბენის საშიშროება არ არსებობს, რადგან ამისთვის ერთმა ძაღლმა მაინც უნდა გაუშვას პირი ბაგირს.
თამაშის პოზა
თუ ყურადღებას მიაქცევთ ბაგირის გადაწევაში შეჯიბრების მონაწილე ლეკვებს, რომლებიც თავისებური მანერით წვებიან წინა ფეხებზე, ადვილად მიხვდებით, როგორ წარმოიშვა სათამაშოდ გამოწვევის პოზა.
ბრძოლაში წარმატება
ძალ-ღონეში შეჯიბრება, ჩვეულებრივ, ძალზე თავისებურად მიმდინარეობს. ერთ-ერთი ლეკვი სათამაშოს ან საგანს იღებს, მეორე კი სწრაფად მივარდება და ცდილობს მის გამოგლეჯას. ლეკვი, რომელმაც პირველმა დაითრია საგანი, შეიძლება უბრალოდ გაჩერდეს ადგილზე _ გააჩნია, რამდენად ღონიერია. ამ დროს მეორე წინა ფეხებს ოდნავ მოხრის, ძლიერი უკანა კიდურებით უკან-უკან იხევს და მთელი ძალით ცდილობს ნივთის გამოგლეჯას. ცოტა ხანში ლეკვი ძალ-ღონეს მოიკრებს და ძამიკოს თავის მხარეზე გადათრევას შეეცდება. ასეთ შეჯიბრებას უმრავლეს შემთხვევაში ახლავს ფსიქოლოგიური მხარეც, რომელიც ცხადი ხდება ყურადღებით დაკვირვების შემდეგ. მაგალითად, დომინანტი ინდივიდი ჯიქურ მიაჩერდება მეტოქეს და მის შეშინებას ცდილობს.
რჩევა
ასეთი თამაშის დროს ლეკვმა შეიძლება ერთ-ერთი სარძევე კბილი დაკარგოს, მაგრამ საშიში არაფერია.
ფრთხილად!
ნუ შეეცდებით, ძაღლს პირიდან გამოჰგლიჯოთ რაიმე. პირიქით, მოეფერეთ ლეკვს და ფრთხილად გაუხსენით ყბები.