დროული შეხსენება
თუ ძაღლის სასეირნოდ გაყვანა დაგაგვიანდათ, ის უმალ მოგაკითხავთ. ზოგიერთი შესახსენებლად საბლის მოტანასაც კი სწავლობს.
საბლით სეირნობა
ეს ბრიუსელის ტერიერი გაწვრთნილია, რათა საბელშებმულმა მშვიდად ისეირნოს და წინ არ გაიწიოს.
წვრთნის საჭიროება
ძაღლს უნდა ასწავლოთ რამდენიმე ძირითადი მითითების შესრულება: უნდა
ძაღლის გაწვრთნა
ძაღლი მონდომებით ცდილობს პატრონის შექების დამსახურებას, თუმცა ეს ყოველთვის ასე არ არის. წვრთნა გაცილებით უკეთ მიმდინარეობს, თუ ძაღლს შეაქებთ და მოეფერებით მაშინ, როდესაც შეასრულებს, რაც მოეთხოვება. ნუ გაუწყრებით, რადგან ამით დათრგუნავთ. წვრთნის სეანსები დაყავით ხანმოკლე პერიოდებად, რადგან ასეთ რეჟიმში ძაღლი უკეთ ისწავლის.
რჩევა წარმატებისთვის
შედარებით მშვიდ გარემოში ვარჯიშის დროს ძაღლს ყურადღება ნაკლებად ეფანტება და უკეთ ექვემდებარება წვრთნას. ასწავლეთ თანდათანობით, ყურადღებით იყავით და ძაღლი არ ააჩქაროთ. მაგალითად, ჯერ უნდა ისწავლოს ბრძანება "დაჯექი!", შემდეგ შეგიძლიათ ასწავლოთ "შეჩერდი!".
დამოუკიდებელი ხასიათი
ზოგიერთი ლეკვი ბუნებით უფრო დამჯერია. მაგრამ შარ-პეი და მისი მონათესავე ჯიშები, მაგალითად ჩაუ-ჩაუ, ძნელი გასაწვრთნელია.
რჩევა
წარმატების მისაღწევად უმთავრესია ძაღლის მშვიდი და თანამიმდევრული წვრთნა.
სწავლის რეჟიმი
შეეცადეთ, რომ სწავლა ძაღლისთვის იყოს რეგულარული ცხოვრების წესის ნაწილი, და არა ორი-სამი ყოველდღიური მოკლე საწვრთნელი სეანსი. მაგალითად, ადრეული ასაკიდან მიაჩვიეთ ძაღლი საჭმელად იატაკზე დაჯდომას ჯამის წინ. საშიში არაფერია, როდესაც პატარა ლეკვი თქვენ გარშემო დაცუნცულებს, მაგრამ სახიფათოა, თუ გყავთ გერმანული დოგი, რომელიც შემოგახტებათ მისთვის მოტანილი საკვების გასასინჯად.
პატრონთან კავშირი
გახსოვდეთ, რომ წვრთნის დანიშნულებაა _ ასწავლოთ ძაღლს კარგი ქცევა. მისი საშუალებითვე შესაძლებელია ძაღლისა და პატრონის დაახლოება და მათ შორის კავშირის გაღრმავება. ამის გათვალისწინებით მნიშვნელოვანია ოჯახის სხვა წევრების ჩართვაც ამ პროცესში. ასე ძაღლი მარტო პატრონითა და მისი ბრძანებებით არ შემოიფარგლება.
ფრთხილად!
ამოირჩიეთ სამანქანო გზიდან საკმაოდ მოშორებული მყუდრო ადგილი და საბელშეხსნილი ძაღლი პირველად იქ გაუშვით.
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით