დადებითი განცდები
შიშის გრძნობის აღმოფხვრა გაცილებით ადვილია ლეკვებში, ვიდრე ზრდასრულ ძაღლებში, რომელთა ხასიათი უკვე ჩამოყალიბებულია. ლეკვებმა ვეტერინართან ვიზიტი დადებითად რომ აღიქვან, ამისთვის დღეს გაცილებით მეტი საშუალება არსებობს, ვიდრე წარსულში. ვეტერინარული კლინიკები, რომელთა რიცხვი განუხრელად იზრდება, გვთავაზობს სოციალიზაციის კლასებს ლეკვებისთვის,
სირთულეების დასაწყისი
აუცილებლად დადგება ის დრო, როდესაც საჭირო გახდება ლეკვის მიყვანა ვეტერინართან, თუნდაც ეს ჩვეულებრივი აცრა იყოს. ძაღლი დააკვირდება თქვენს განწყობას: თუ იგრძნო, რომ შფოთავთ, თავადაც შეშინდება და ჭირვეულობას დაიწყებს, განსაკუთრებით, თუ მოსაცდელ ოთახში სხვა ძაღლებმაც შეაშინეს.
ძნელად მისახვედრი
მოტეხილი ფეხის დაფიქსირება ამ კოლისთვის შვებაა, მაგრამ ამისთვის ვინმეს მადლიერი სულაც არ არის, რადგან ვერაფერს ხვდება. პირიქით, ეცდება სახვევების დაღრღნას.
ყურის ინფექცია
ყურში ინფექციის შეეჭრა შედარებით ხშირი მოვლენაა და ძლიერ გაღიზიანებას იწვევს.
შესაძლო სირთულეები
ლეკვებს მშვიდი კეთილგანწყობილი ბუნება აქვთ და ვეტერინარიც ცდილობს, ამაზე ააგოს სამომავლო ურთიერთობები მათთან. უმრავლეს შემთხვევაში, ლეკვები ვერაფერს გრძნობენ, როდესაც ზურგზე, კისრის არეში მოშვებულ კანში შპრიცი შეჰყავთ ასაცრელად, არც მაშინ, როდესაც მიკროჩიპს უდგამენ, რომელიც სასიცოცხლოდ აუცილებელია მისი ვინაობის დასადგენად. პრობლემები უფრო მაშინ ჩნდება, როდესაც ძაღლს რაღაც სტკივა და გასასინჯად საჭირო ხდება მისი გაკავება. ამ დროს ყველაზე მოსახერხებელი იქნება ალიკაპის გაკეთება. თუმცა გააჩნია ძაღლის მდგომარეობას _ მას შეიძლება დამამშვიდებელი საშუალებებიც დასჭირდეს.
დამამშვიდებლები და ანესთეზია
სამწუხაროდ, ძაღლები ვერ ხვდებიან, როდის ეხმარებიან, და ეს ართულებს საქმეს როგორც მკურნალობის, ისე გამოჯანმრთელების სტადიაზე. ახლა უკვე არსებობს ძალზე ეფექტური დამამშვიდებელი, ტკივილდამაყუჩებელი და საანესთეზიო საშუალებები, რომლებიც არა მხოლოდ უმსუბუქებენ მდგომარეობას ძაღლს, არამედ მის სრულფასოვან მკურნალობასაც უწყობენ ხელს. მათი ზეგავლენის ქვეშ მყოფი ძაღლი არ იბრძვის, არ ცდილობს კბენასა და გაქცევას. ძაღლები, ჩვეულებრივ, ძალზე სწრაფად აღიდგენენ ჯანმრთელობას მძიმე ოპერაციის შემდეგაც კი.
უმტკივნეულო პროცედურა
ბულდოგის ლეკვი საკმაოდ მშვიდად ხვდება მიკროჩიპის ჩანერგვას, რომელიც ძაღლის საიდენტიფიკაციო უნიკალურ კოდს შეიცავს. მიკროჩიპი ძაღლის სხეულში რჩება და მთელი სიცოცხლის განმავლობაში მუშაობს
სახვევების შენარჩუნება
ძალზე ძნელია აიძულოთ ძაღლი, რომ სახვევები არ მოიხსნას. თუ ძაღლს თავი აქვს შეხვეული, შეიძლება წამოაცვათ პლასტიკური რგოლი, რომელიც სახვევის მოძრობის საშუალებას არ მისცემს.
ოპერაციის შემდგომ
თუ ძაღლს ცოტა ხნით დასჭირდა ჰოსპიტალიზაცია, ნუ იდარდებთ – ის თქვენ არ დაგივიწყებთ და არც გაგებუტებათ, რომ ვეტერინარულ კლინიკაში მიატოვეთ. ძაღლებისთვის მთავარია მიმდინარე მოვლენები, ამიტომ აღფრთოვანებით ხვდებიან პატრონის დანახვას და მასთან ერთად შინ დაბრუნებას. ახალნაოპერაციებ ძაღლს, რაოდენ გახარებულიც უნდა იყოს, ნუ მისცემთ ნებას შეგახტეთ ან თქვენ გარშემო ირბინოს, რათა ნაკერები არ გაეხსნას.
რჩევა
აბები ძაღლს ინსტრუქციის მიხედვით უნდა დაალევინოთ; შეგიძლიათ ძაღლის საჭმელშიც შეურიოთ.
მასალა მომზადებულია "პალიტრა L"-ის მიერ გამოცემული წიგნის "რაზე მეტყველებს ძაღლის ქცევა" მიხედვით