აუცილებელია გაითვალისწინოთ, რომ სხვადასხვა ჯიშის ძაღლებს განსხვავებული მოთხოვნები და საჭიროებები აქვთ. ამასთანავე, ყველა ძაღლი ინდივიდუალურია. თუმცა, ქვემოთ მოყვანილი რჩევები ყველა შემთხვევაში გამოგადგებათ.
1. ზოგიერთი ძაღლი ბუნებამ დააჯიდლოვა სქელბეწვიანი სამოსით, რომელიც მათ
2. ეცადეთ, თქვენი ოთხფეხა არ გაასეირნოთ დილით ძალიან ადრე. ასევე, მოერიდეთ მის გარეთ გაყვანას გვიან საღამოს. უმჯობესია, თუ მას დღის მზიან შუალედში გაასეირნებთ. მზის სხივები, როგორც ძაღლს, ასევე თქვენც მოგაწვდით D ვიტამინს.
3. ზამთარში ნებისმიერი სისქის მქონე ბეწვის ძაღლს შეიძლება შესცივდეს, ვინაიდან მათი ყურები, თათები და კუდი ადვილად იყინება. წაიყვანეთ თქვენი ძაღლი გარეთ ხშირად, მაგრამ როცა ტემპერატურა დაბალია, შინ მალევე დაბრუნდით. დააკვირდით, გამოხატავს თუ არა იგი, რომ სცივა. თუ შენიშნავთ, რომ იგი ცახცახებს, მღელვარება ეტყობა ან წკმუტუნებს და თამაშს წყვეტს, დროა, სახლში შეიყვანოთ.
4. როგორც ჩვენ შეიძლება ტერფზე გაგვიჩნდეს ნახეთქები, ასევე შეიძლება დაემართოს ძაღლსაც. თუ თქვენს ძაღლს ბეწვიანი ტერფი აქვს, მაშინ აუცილებელია ამ ბეწვის შეჭრა, რომ ფეხის გულის გაყინვა ავარიდოთ თავიდან. ზამთარში თათების მოსავლელად შეარჩიეთ სპეციალური წინდები ან ფეხსაცმელები.
5. თუ თქვენი ძაღლი ზამთარში გარეთ თამაშობს, სითბოს შენარჩუნებითვის შესაძლოა მეტი კალორია დასჭირდეს. ძაღლის ორგანიზმმა კი მეტი ენერგია რომ გამოიმუშავოს, აუცილებელია, გაიზარდოს მისი კვების რაციონი.
6. ზამთრის ცივ დღეებში, გარეთ ყოფნის დროის შეზღუდვის გარდა, ეცადეთ, არ დატოვოთ თქვენი ოთხფეხა ცივ იატაკზე. მოაწყვეთ მისთვის თბილი გარემო, სადაც იგი შეძლებს მყუდროდ დაძინებას თუ დაჯდომას. მოარიდეთ ძაღლი უხალიჩო იატაკს, ცივ მეტლახს, ორპირს. შეგიძლიათ, შეიძინოთ მისთვის დამზადებული სპეციალური საწოლი. თუკი ხარისხი გაყოვნებთ, შეგიძლიათ, არჩევანი თამამად ქართული ბრენდის Luxary Animals-ის საწოლებზე შეაჩეროთ.
7. ადამიანების მსგავსად, ძაღლების კანზეც მოქმედებს მშრალი და ცივი ამინდები.ზამთრის ცივ თვეებში ჯანმრთელი ტყავისა და კანის შესანარჩუნებლად, შეგიძლიათ, შეარჩიოთ მაღალი ხარისხის ისეთი საკვები, რომლებიც შეიცავს ომეგა3 და ომეგა-6 მჟავებს.