ამ ჰასკის პატრონმა თავისი საყვარელი ბინადარი ბეწვისგან გაათავისუფლა, რათა ცხოველს გაუსაძლის სიცხეში თავი კომფორტულად ეგრძნო, თუმცა, ვეტერინარები ყველა შინაური ცხოველის მფლობელს აფრთხილებენ, არ გააკეთონ ასე, არც ზაფხულში
რატომ არ შეიძლება ძაღლის თივთიკის შეჭრა/გაპარსვა ზაფხულშიც კი?
არსებობს რამდენიმე მიზეზი:
პირველ რიგში, ძაღლის ბეწვს აქვს იზოლაციური მოქმედება. ის სხეულში არ უშვებს ცხელ ან ცივ ჰაერს. ცხოველისთვის ბეწვის შეჭრა ნიშნავს მნიშვნელოვანი დაცვის სამუდამოდ განადგურებას.
ზაფხულის პერიოდში, ბეწვის არ ქონის გამო, ტემპერატურის მატებასთან ერთად ძაღლი ძლიერად იღებს ცხელ ტალღებს. თუ ცხოველს ბეწვი არ აქვს, დიდი რისკია, მიიღოს მზის დამწვრობა, ეს კი ძაღლის ჯანმრთელობისთვის საშიშია. არსებობს კანის კიბოს შემთხვევებიც.
ჩვენი ბინადრების კანი ძალიან ნაზია, ამიტომ რთულად გადააქვს მზის გამოსხივება.
ადამიანისგან განსხვავებით ძაღლის სხეული ოფლს არ გამოყოფს. მისი თერმორეგულაცია ნერწყვითა და სუნთქვით ხდება. ამიტომ ცხოველის გათავისუფლება თივთიკისგან არ არის აუცილებელი.
თუ ძაღლს ერთხელ მაინც შეჭრით ბეწვს, ის დაკარგავს საწყის დამცავ ფუნქციას, რომელიც ვეღარასოდეს აღდგება.
გარდა ამისა, ნუ დაივიწყებთ ცხოველის სტრესს. თივთიკის მოცილება ძაღლისთვის შეიძლება შოკის მომტანიც იყოს. მიუხედავად მაღალი ტემპერატურისა და სიცხისა, ძაღლის ბეწვის შეჭრის განსაკუთრებული მიზეზი არ არსებობს. ამის გაკეთება მხოლოდ იმ შემთხვევაში შეიძლება, თუ ცხოველს ქირურგიული ოპერაცია უკეთდება და გარკვეული ადგილიდან ბეწვის მოცილება აუცილებელია.
ასევე იხილეთ:
რა ემართება ძაღლს 15 წუთში, თუ მას სიცხეში მანქანის სალონში ჩაკეტავთ
ცხოველის ტკიპებისა და რწყილებისგან განთავისუფლების ნატურალური, მარტივი და ეფექტური საშუალება
როგორ უნდა მოვუაროთ შინაურ ცხოველს ზაფხულის გაუსაძლის სიცხეში და რა უნდა გავითვალისწინოთ?
