5 რამ, რაც არ უნდა გააკეთოთ, როცა ძაღლს პარკში ასეირნებთ
5 რამ, რაც არ უნდა გააკეთოთ, როცა ძაღლს პარკში ასეირნებთ
ძაღლების პარკი საუკეთესო ადგილია შინაური ბინადრებისა და მათი პატრონებისთვის, თუმცა, ამ ეტაპზე საქართველოში მსგავს ადგილს ვერ ნახავთ. საბედნიეროდ, არსებობს ადგილები, სადაც ძაღლები პატრონებთან ერთად არც თუ იშვიათად იკრიბებიან. მათ საშუალება აქვთ ერთად ირბინონ, ითამაშონ და დახარჯონ მოზღვავებული ენერგია, მაგრამ არსებობს საშიშროებებიც, რაც აუცილებელია იცოდეს ძაღლის მფლობელმა.

არ წაიღოთ ძაღლის საკვები შეკრების ადგილზე

Zooclub

ეს შესაძლოა თქვენთვის და თქვენი ოთხფეხა ბინადრისთვის კარგი იდეა იყოს - ერთის მხრივ, იმ სკვერში, სადაც სხვა ძაღლებიც იყრიან თავს, წაიღოთ ძაღლის საკვები, ავარჯიშოთ და სასუსნავითაც დააჯილდოოთ, ხოლო მეორე მხრივ,
თუ გაშვებულ ძაღლს ვერ იჭერთ, სასუსნავით მიიტყუოთ თქვენკენ, მაგრამ ამას შესაძლოა პრობლემებიც ახლდეს: თუ სხვა
ძაღლებიც დაინახავენ საკვებს, ისინიც შემოგიერთდებიან, შესაძლოა, ეს ძაღლებს შორის ჩხუბის მიზეზი გახდეს ან რომელიმე ცხოველს თქვენ მიერ მიტანილ საკვებზე ალერგია ჰქონდეს. იმ შემთხვევაში, თუ თქვენი ძაღლი არ გემორჩილებათ, ატარეთ საბმელით. გასაწვრთნელად კი შეარჩიეთ ისეთი ადგილი, სადაც სხვა ცხოველები არ იქნებიან.

არ დატოვოთ ძაღლი უყურადღებოდ

Zooclub

ძაღლების შეკრების ადგილი არ არის "დღის ცენტრი". არ შეიძლება დატოვოთ ძაღლი სხვა პატრონების იმედად და თქვენ გაერთოთ საუბრით ან სეირნობით. დაიმახსოვრეთ, თქვენ გაქვთ პასუხისმგებლობა ყველაფერზე, რასაც თქვენი შინაური ცხოველი აკეთებს.

არ წაიყვანოთ ძაღლების შეკრების ადგილზე არავაქცინირებული ლეკვი

Zooclub

მნიშვნელოვანია, რომ თქვენი ძაღლი ლეკვობიდან სოციალიზირებული იყოს, მაგრამ დაელოდეთ სანამ ბოლომდე დაამთავრებს ვაქცინაციის პროცედურებს. ეს არა მხოლოდ ლეკვის დაავადებებისგან დაცვისთვისაა აუცილებელი, არამედ - სხვა ძაღლების ჯანმრთელობისთვისაც.

არ მოეფეროთ ძაღლს, როცა ის სხვა ძაღლებთან თამაშობს

Zooclub

არ არის სასურველი უცხო ან საკუთარი ძაღლის მოფერება, თუ ის ძაღლების გარემოცვაშია. ამ შემთხვევისას ძაღლს უჭირს სხვა ძაღლებთან ინტეგრირება და ვერ აბალანსებს ადამიანებსა და ძაღლებს შორის ურთიერთობას. ამ დროს ის შესაძლოა გაღიზიანდეს.

ძაღლისთვის აუცილებელია ხროვასთან ყოფნა

Zooclub

ეს არ გეხებათ, თუ თქვენს ძაღლს პარკში წვრთნით ან საბმელის გარეშე ვერ უშვებთ, მაგრამ თუ ძაღლს სასეირნოდ იმ ადგილზე გაიყვანთ, სადაც სხვა შინაური ბინადრებიც იკრიბებიან, ის აუცილებლად უნდა შეურთდეს ხროვას. თუ ცხოველი გარიყულია სხვა ძაღლებისგან, ე.ი. ის მზად არ არის სხვა შინაურ ცხოველებთან სოციალიზაციისთვის, ამიტომ პირველ ეტაპზე გაარიდეთ მათ და სასეირნოდ შეარჩიეთ ისეთი ადგილი, სადაც ძაღლები ნაკლებად არიან, რათა ცხოველების ურთიერთაგრესიასა და ჩხუბს აარიდოთ თავი.

ასევე იხილეთ:

11 ფაქტი: რა არ მოსწონთ ძაღლებს ადამიანებისგან?

ძაღლის 10 ჯიში, რომლებიც სპეციფიური სუნით გამოირჩევიან

10 ნიშანი, რომ თქვენი ძაღლი ნამდვილად ბედნიერია

კომენტარი ჯერ არ გაკეთებულა
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?