სპეციალისტების თქმით, ათასობით ჯიშს შორის, გამოირჩევიან ძაღლის ჯიშები, რომლებსაც ეს სუნი ორჯერ მეტად აქვთ და იმაზე მეტ მოვლას საჭიროებენ, ვიდრე სხვა სახეობის ძაღლები.
ბასეტ ჰაუნდი
გრძელყურება და მოკლეფეხება ბასეტს დიდი მზრუნველობა სჭირდება, რადგან ცნობილია, რომ ის ერთ-ერთი ყველაზე არასასიამოვნო სუნის მატარებელია. მას
კოკერ სპანიელი
კოკერ სპანიელი საყვარელი, ნაზი და აქტიური ძაღლია, თუმცა, ამ ჯიშის მოყვარულებმა იციან, რომ თუ მის ჰიგიენაზე სათანადოდ არ იზრუნე, არასასიამოვნო სუნი აქვს. ინგლისური და ამერიკული სახეობები მიდრეკილნი არიან ალერგიისკენ, რომელიც ყურისა და კანის ინფექციით ვლინდება.
ლაბრადორ რეტრივერი
ერთ-ერთი ყველაზე პოპულარული ჯიში მსოფლიოში. ლაბრადორის მოვლა განსაკუთრებულად მეტ დროს მოითხოვს. პატრონი ყოველთვის უნდა ზრუნავდეს მის სისუფთავეზე, წინააღმდეგ შემთხვევაში, მისი არასასიამოვნო სუნი სახლის ყველა კუთხეში შეგაწუხებთ. ლაბრადორიც ზემოთ ჩამოთვლილი ძაღლებივით, მიდრეკილია ყურისა და კანის ალერგიისკენ.
ინგლისური ბულდოგი
ინგლისური ბულდოგი ცნობილია არასასიამოვნო სუნით. სხვა ჯიშებთან შედარებით, ამ სახეობის ძაღლი უფრო მეტად გამოყოფს დორბლს, რომელიც უგროვდება დრუნჩებში. ეს ერთ-ერთი მიზეზია იმისა, რომ ძაღლს სპეციფიური სუნის აქვს. იმ შემთხვევაში, თუ მის სისუფთავეზე ყოველ დღე არ იზრუნებთ, შესაძლოა, ნაკეცებში კანის ინფექციაც განუვითარდეს.
სენბერნარი
მიუხედავად მისი უზარმაზარი ვიზუალისა, სენბერნარი ძალიან ნაზი ძაღლია. სამწუხაროდ, ინგლისური ბულდოგის მსგავსად, ისიც გამოყოფს დიდი რაოდენობით დორბლს, რომელიც დრუნჩებში გროვდება. ყოველდღიური მოვლის შემთხვევაში, მისი კანის სპეციფიკური სუნი არ შეგაწუხებთ.
ბლადჰაუნდი
ბლადჰაუნდი დიდი ჯიშის ძაღლებს მიეკუთვნება. ის ძალიან კარგად ნადირობს, ასევე მაშველ ჯიშად მოიხსენიება. მასაც სჭირდება განსაკუთრებული მოვლა, რადგან ბლადჰაუნდიც ითვლება სპეციფიკური სუნის მქონე ჯიშად.
შარ პეი
ამ ჩინურ ჯიშს სახის უცხო მოყვანილობითა და ნაოჭებით, იოლად გამოარჩევთ სხვა სახეობებისგან. შარ პეის განსაკუთრებული მოვლა სჭირდება, განსაკუთრებით - ნაკეცებს შორის სისუფთავე, რათა კანის ინფექცია არ განუვითარდეს, რის შედეგადაც მის სხეულზე არასასიამოვნო სუნის გაქრობა რთულია, მაგრამ რეგულარული მოვლის შემთხვევაში სპეციფიკური სუნის თავიდან აცილება მარტივია.
მასტიფი
მსოფლიოში სხვადასხვა სახეობის მასტიფი არსებობს, თუმცა, მათ ერთნაირი კანის სტრუქტურა აქვთ. სენბერნარისა და ბულდოგის მსგავსად, ეს სახეობაც დიდი რაოდენობით დორბლს გამოყოფს. მასტიფი მიდრეკილია კანის ინფექციისკენ, ამიტომ მათ სჭირდებათ განსაკუთრებული მოვლა.
მოპსი
ეს პატარა ძაღლი არაერთი ცხოველთა მოყვარულის საყვარელი ჯიშია. სამწუხაროდ, ეს სახეობაც მიდრეკილია ყურისა და კანის ინფექციისკენ. ამასთანავე, ამ ჯიშს შესაძლოა განუვითარდეს პირის ღრუს პრობლემებიც ( მაგ: კბილების ცვენა), თუმცა, ყოველდღიური მოვლა და ჰიგიენა ყოველთვის დაიცავს არასასიამოვნო სუნისგან.
იოკშირული ტერიერი
ნუ გგონიათ, რომ მინიატურული ჯიშის ძაღლებს ნაკლები მოვლა და სისუფთავე სჭირდებათ. იოკშირული ტერიერი პატარა, საყვარელი და სასაცილო ძაღლის ჯიშია, მაგრამ მისი ცხიმიანი კანი მიდრეკილია ინფექციური დაავადებებისკენ. ყოველდღიური ჰიგიენისა და კბილის წმენდის გარეშე, ამ პატარა ჯიშს შესაძლოა არასასიამოვნო "არომატი" გაუჩნდეს.
ასევე იხილეთ:
7 ფაქტი ლაბრადორ რეტრივერზე , რომლებიც შესაძლოა არ იცოდით
9 მინიატურული ძაღლის ჯიში, რომლებიც საუკეთესო დარაჯები არიან
ძაღლის 10 ჯიში, რომლებიც დეპრესიის დაძლევაში დაგეხმარებიან
