მტაცებელი ძუძუმწოვრების უმრავლესობის მსგავსად ძაღლსაც აქვს კარგად განვითარებული კუნთოვანი და გულ-სისხლძარღვთა სისტემები
, რაც მის გამძლეობას განაპირობებს და სწრაფად სირბილის საშუალებას აძლევს; კბილები, რომლებიც მსხვერპლის დასაჭერად, შესაკავებლად და დასაგლეჯად აუცილებელია. ძაღლის თათების აგებულება უზრუნველყოფს მის სწრაფ მოძრაობას, საჭიროების შემთხვევაში ნახტომის გაკეთებას, მსხვერპლის დადევნებას და მორევას. ძაღლებს აქვთ პატარა, ოთხთითიანი ტერფი (და რუდიმენტული ცერი); სიარულისას თითებს ეყრდნობიან; უკანა ფეხები საკმაოდ მყარი და ძლიერი აქვს, წინა - უფრო თავისუფალი და მოქნილი. მწევრის სისწრაფე საათში 72 კმ-ს აღწევს და მიჩნეულია რიგით მეთოთხმეტე უსწრაფეს
ცხოველად 400მ მანძილზე რბოლაში. ზოგი ძაღლის აგებულება მის სწრაფ მოძრაობას განაპირობებს, ზოგისა კი ცხოველის სიძლიერეზე
მეტყველებს. რაც შეეხება ალასკურ მალამუტს, ეს ძლიერი ძაღლი დატვირთული მარხილების სათრევად დიდ მანძილებზე გამოიყენება. მას შეუძლია 1 ტონამდე სიმძიმის გაწევა. სხვადასხვა ჯიშის ძაღლს განსხვავებული მოყვანილობის კუდი აქვს: სწორი, მაღლა აწეული, ნამგლისებური, დახვეული და ა.შ. ზოგიერთ ჯიშებს, განსაკუთრებით მონადირე ძაღლებს, კუდს აჭრიან, რომ ტყეში სირბლის დროს დაზიანებისგან დაიცვან. ძაღლს ოფლის ჯირკვლები აქვს ფეხის ბალიშებზე და არა ტანზე, ამიტომ, ისინი სხეულის ტემპერატურას ქოშინით არეგულირებენ, რისი მეშვეობითაც ენის სველ ზედაპირზე გაგრილებული ჰაერი ფილტვებში ჩადის. მაკეობის პერიოდი რვიდან ცხრა კვირამდე გრძელდება და ისეთი დიდი ჯიშები, როგორიცაა ვეიმარანერი, საკმაოდ მრავალრიცხოვან ნაყარს ბადებს.
ჩონჩხიძაღლის
ჩონჩხი შედგება დაახლოებით 319 ძვლისა და სამი ტიპის სახსრისგან: სინოვიალური სახსარი – უზრუნველყოფს მრავალი სახის მოძრაობას. მას მიეკუთვნება კიდურებისა და ქვედა ყბის სახსრები.
ფიბროზული (ანუ ბოჭკოვანი) სახსარი, რომელიც იძლევა უმცირესი მოძრაობის შესაძლებლობას. ამ ჯგუფს მიეკუთვნება თავის ქალის ნაკერები; ხრტილოვანი სახსარი, რომელიც უზრუნველყოფს მცირე მოძრაობას. ასეთ სახსრებს განეკუთვნება მალთაშორისი დისკოები.
ძაღლებს სახსრიდან ამოწეული
მხრის ძვლები აქვთ, რაც დიდი ნაბიჯებით სირბილისა და გადახტომის საშუალებას აძლევს.
კუნთებიხერხემალზე ბოჭკოვანი მყესებით მიმაგრებული კუნთები ძაღლს ყოველგვარი მოძრაობის საშუალებას აძლევს, დაწყებული სიარულიდან და ჭამიდან, დამთავრებული საკუთარი კუდის დევნითა და ბურთის დაჭერით. არსებობს ორი სახის კუნთები: გლუვი და განივზოლიანი. გლუვი კუნთებით, რომლებიც ავტომატურად ფუნქციონირებს, აგებულია შინაგანი ორგანოები: ნაწლავები, სისხლძარღვები კუჭი და ა.შ. ხოლო განივზოლიანი კუნთები, რომლებიც ძაღლის კონტროლს ექვემდებარება, სხეულის მოძრაობას უზრუნველყოფს.
შინაგანი ორგანოებიჯანმრთელი ძაღლის გული წუთში 115-ჯერ ცემს, ხოლო მისი მარჯვენა ფილტვი ყოველთვის ცოტათი დიდია მარცხენაზე. მისი მუცელი, რომლის სიდიდეც ძაღლის ზომასა და აგებულებაზეა დამოკიდებული, იოგებს უჭირავს. როცა ძაღლი დანაყრებულია, სახიფათოა თამაში ან ხტუნვა, რადგან შეიძლება კუჭი გადაეხლართოს და ასეთ შემთხვევაში ერთადერთი გამოსავალი მხოლოდ სასწრაფო ქირურგიული ჩარევაა.