გაფრთხილდით, ზედმეტი საკვები არ მისცეთ, რადგან მალე სუქდებიან. ბულდოგები თავის საჭმელს იცავენ და არავის აკარებენ.
მონაცემები:
წარმოშობა - ინგლისი, საფრანგეთი
მთავარი დანიშნულება - მებრძოლი
ტემპერამენტი - სანდო, მშვიდი
სიც. ხანგრძლივობა 10-12 წელი
მოვლა - ყოველდღ. ვარცხნა
ვარჯიში - რეგულ,. ზომიერი
მოდარაჯე - ძალიან კარგი
ხვადი
36-41 სმ
20-25 კგ
ძუ
30-36 სმ
16-20 კგ
ბეწვი
მოკლე, წითური, ჩალისფერი, ზოლიანი, მიწისფერი ან თეთრი, სხვადასხვა ფერის ლაქებით. დრუნჩი ზოგჯერ მუქი აქვთ.
ფეხები
წინა ფეხები აქვს მოკლე, სწორი და დაკუნთული, უკანა – ძლიერი, დაკუნთული და წინა
ფეხებზე გრძელი.
თათები
კომპაქტური, ერთმანეთისგან გამოყოფილი თითებით, სქელი ბრჭყალებით.
კუდი
მოკლე, ძირში სქელი და ბოლოში წვრილი.
ტანი
მოკლე, ოთხკუთხა ფორმის, დაკუნთული, ძალიან ფართო გულმკერდითა და სქელი, ძლიერი კისრით.
ცხვირი
დიდი, ფართო და შავი.
თვალები
მრგვალი და მუქი.
სახე
ფართო და ბრტყელი, კეთილი გამომეტყველებით.
ბულდოგს წინიდან თუ შეხედავთ, მისი გულმკერდი, განზე გადგმული ღონიერი ფეხები და მიწის ზედაპირი კვადრატს ქმნის. ეს ძაღლი დინჯად, თითქმის ბაჯბაჯით დადის. ჯობს, ბევრი არ ავარჯიშოთ.
თქვენი ბულდოგი ყოველთვის ჯანსაღი იქნება, თუ რეგულარულად ისეირნებს ან გაერთობა (მაგალითად, ბურთის დევნით), რაც დიდ ფიზიკურ დატვირთვას არ მოითხოვს.
ბულდოგის ლეკვები, რომელთაც დიდი თავი და ნაკეცებიანი კანი აქვთ, როგორც წესი, საკეისრო კვეთით იბადებიან.
რჩევა:
ბულდოგებისთვის დამახასიათებელია დორბლიანობა და ხვრინვა. მოკლე დრუნჩის გამო მუდმივად აქვთ სასუნთქი გზების პრობლემები. ვერ იტანენ ზედმეტ სიცხეს ან სიცივეს.