ეს ჩასკვნილი, დიდთავა და დაკუნთული ძაღლები საუკეთესო კომპანიონები არიან: გონიერები, ადვილად გასაწვრთნელები, ფხიზელი გუშაგები და ძალზე მოსიყვარულენი. მათი მოვლა იოლია, ამიტომ გასაკვირი არ არის, რომ ამ ჯიშით ახლა მთელ მსოფლიოში
ბევრია დაინტერესებული.
ჭეშმარიტად `ამერიკული~ ძაღლი – ბოსტონ ტერიერი მკვირცხლი, გონიერი და დამჯერი ჯიშია. აქვს გაბედული ხასიათი და დიდი ენერგია – იზიდავს ინტენსიური სეირნობა და თამაში.
მონაცემები:
წარმოშობა - აშშ
მთავ. დანიშნულება - მებრძოლი ძღლი
ტემპერამენტი - ცელქი, უშიშარი
სიც. ხანგრძლივობა - 13-15 წელი
მოვლა - ყოველდღ. ვარცხნა
ვარჯიში - რეგულარული, ზომიერი
მოდარაჯე - ბრწყინვალე
ხვადი
51 სმ
14-20 კგ
ძუ
46 სმ
14-18 კგ
კუდი
დაბლა დაწეული, მოკლე, ლამაზი და დაწვრილებული.
ფეხები
წინაც და უკანა ფეხებიც ძლიერი და დაკუნთული აქვს.
ბეწვი
Mმოკლე, ზოლებიანი ან შავი, თეთრი ლაქებით.
თათები
პატარა, მრგვალი და კომპაქტური, შესამჩნევად ამოზნექილი თითებითა და მოკლე ბრჭყალებით.
სახე
მოკლე, ფართო დრუნჩით, აცქვეტილი ყურებით, აქვს ამობურცული თვალები, ფხიზელი და კეთილი გამომეტყველება.
ცხვირი
შავი და ფართო.
ტანი
ოთხკუთხა ფორმის, კომპაქტური, კარგად დაკუნთული, ძლიერი კისრითა და ფართო გულმკერდით.
დაცქვეტილი ყურები
ყურები დასმულია თავის ქალის კუთხეებთან
დიდი თავი
დიდი თავი და ბრტყელი თხემი აქვს; კანის ნაკეცები არ აღენიშნება
შეფერილობა
ვეფხვისებრი, შავი თეთრი ნიშნებით, ან შავი მოწითალო ელფერით
ისტორია
ბოსტონ ტერიერის წარმოშობა უკავშირდება ძაღლს, სახელად ჯაჯის, რომელიც ბულდოგისა და ინგლისური ტერიერის დართვით გაჩნდა. 1870-იან წლებში იგი ინგლისიდან აშშ-ში ჩაიყვანა რობერტ ჰუპერმა, რომელიც ბოსტონში (მასაჩუსეტსი) ცხოვრობდა. 1889 წლისთვის, უკვე არსებობდა 30 მომშენებელი, რომელთა მიერ გამოყვანილ ხაზებში ჯაჯის შთამომავლობა მონაწილეობდა. ამ მომშენებლებმა შექმნეს ამერიკული ბულტერიერის კლუბი. ბულტერიერის მეპატრონეთა პროტესტის პასუხად, რომლებიც ახალი ჯიშისთვის სახელის შეცვლას ითხოვდნენ, ახალ ჯიშს დაარქვეს ბოსტონ ტერიერი – იმ რეგიონის სახელი, სადაც ჯაჯი ცხოვრობდა. AKჩ*-მ 1893 წელს ბოსტონ ტერიერი ჯიშად აღიარა, რის შემდეგაც, 1920-იან წლებში, მისი რამდენიმე ეგზემპლარი ევროპაში წაიყვანეს.
ჯიშის ნიშნები
ზოგ შემთხვევაში შეიძლება შემოგთავაზონ ლეკვი, რომელიც არ აკმაყოფილებს ჯიშის სტანდარტებს, მაგალითად, შეიძლება შავი ფერის ფეხები ჰქონდეს და თეთრი ბეწვი ნაკლებად ერიოს. თუმცა უნდა ითქვას, რომ ფერს ან ნიშნებს ძაღლის ჯანმრთელობასთან საერთო არაფერი აქვს. ბოსტონ ტერიერები. ძალზე უახლოვდებიან ოჯახის წევრებს და ხალისით სწავლობენ ყველაფერს. ეს ძაღლები კარგად ეგუებიან ქალაქის გარემოს, მეტადრე, თუ ახლომახლო პარკია. ამ ჯიშს მოკლე ბეწვი აქვს, ამიტომ მისი კარგი ფორმის შენარჩუნება ძალზე ადვილია.
მოკლე დახასიათება
დამჯერი ძაღლია
გამოირჩევა გაწონასწორებული ტემპერამენტით
აქვს ადვილად მოსავლელი ბეწვი
ამომჯდარი თვალები
ხშირად უზიანდება
ხვრინავს
ჯიშის მახასიათებლები, შენიშვნები
მოსიყვარულე და დუნე, ფრთხილი
სიმაღლე: 38-43 სმ; წონა: 7-11.3 კგ
მოსწონს ყოველდღიური ცუნცული პარკში და იქაურობის შესწავლა;
არ არის მაინცდამაინც ათლეტური
ნუ ავარჯიშებთ შუადღის სიცხეში, რადგან შეიძლება მზის დაკვრა
მიიღოსკარგად ეგუება შინაურ ცხოვრებას;
ცუდ ამინდში სახლში ყოფნა ურჩევნია
ყოველთვის მეგობრული არ არის სხვა ძაღლების მიმართ;
ბებრები ხშირად ხვრინავენ
კონცენტრაციის გასაუმჯობესებლად პერიოდულად გაწვრთენით;
თვალყური ადევნეთ, როცა ახლოს სხვა ძაღლებია სჭირდება მოვლა კვირაში ერთხელ
ბეწვის გასაწმენდად გამოიყენეთ სპეციალური ხელთათმანი;
გაუწმინდეთ ყურები და თვალები ბამბის ტამპონიანი წკირით თვალების რქოვანას ხშირი დაზიანება; ბრაქიცეფალიის სინდრომი;
დიდთავიანი ლეკვების დაბადებას შესაძლოა საკეისრო კვეთა დასჭირდეს
თვალების დასაცავად მოარიდეთ ქვეტყეში სეირნობას
ამ სანდომიან, მოკლედრუნჩიან ძაღლებს შესაძლოა სუნთქვის პრობლემები შეექმნათ, განსაკუთრებით აღელვებისა და დაძაბულობის, ან სიცხესა და სიცივეში ყოფნის დროს. ამ ჯიშის წარმომადგენლებს აღენიშნებათ გულის დაავადებები და კა-
ნის ავთვისებიანი სიმსივნე, ამობურცული თვალები კი ადვილად უზიანდება. ყოველ-დღე გაუსუფთავეთ თვალები და სახე სველი, კარგად გაწურული ნაჭრით, შეუმოწმეთ და ჭუჭყისგან გაუწმინდეთ ყურები.
რჩევა:
ძუებს უჭირთ მშობიარობა, რადგან ვიწრო მენჯი აქვთ და მათი დიდთავიანი ლეკვები ხშირად საკეისრო კვეთით ჩნდებიან.