მალტეზებს მოსწონთ რეგულარული სეირნობა სანაპიროზე ან პარკში ცელქობა. სიბერეშიც ისეთივე მხიარულები არიან, როგორიც ლეკვობაში. საგანგებო კვება არ ესაჭიროებათ, უბრალოდ, არ უნდა მისცეთ ბევრი საჭმელი.
მონაცემები:
წარმოშობა - მალტა
მთავარი დანიშნულება - კომპანიონი ძაღლი
ტემპერამენტი - მშვიდი, მოალერსე
სიც. ხანგრძლივობა - 12-14 წელი
მოვლა - რეგულარული
ვარჯიში - რეგულარული, ზომიერი
მოდარაჯე - საშუალო
ხვადი
20-25 სმ
2-3 კგ
ხვადი
20-25 სმ
2-3 კგ
ბეწვი
ხშირი, გრძელი, სწორი, ერთშრიანი, ყოველთვის თეთრი, ზოგჯერ ლიმონისფერი ან ღია კაკაოსფერი ნიშნებით.
კუდი
გრძელი და უხვბეწვიანი.
ფეხები
წინა ფეხები სწორი, უკანა – ღონიერი.
ყურები
დაშვებული და ბეწვით დაფარული.
სახე
პროპორციული, ლამაზი, წაწვეტებული.
თათები
პატარა და მრგვალი.
თვალები
მუქი და მრგვალი, ირგვლივ შავი რკალებით, ალერსიანი გამომეტყველებით.
ტანი
კომპაქტური, მოხდენილი კისრითა და საშუალო ზომის გულმკერდით.
გრძელი, მბზინავი, ფუმფულა ბეწვი ხერხემლის გასწვრივ იყოფა, დაბლა ეშვება და მიწამდე სწვდება. თმა სახიდან გადაწეული და შეკრული აქვთ, რომ მხედველობაში ხელი არ შეუშალოს. მიუხედავად პატარა ტანისა, მალტეზი მამაცი და უშიშარია. დეკორატიული ჯიშის ძაღლებს შორის ის ერთ-ერთი ყველაზე მოხდენილი არსებაა. ეს ჯიში, ჩვეულებრივ, დიდხანს ცოცხლობს, ამტანი და ჯანმრთელია, თუმცა აღენიშნება თვალის თანდაყოლილი დაავადებები.
რჩევა:
თვალებიდან დროდადრო სდის ცრემლი, რომელიც სახის თოვლივით თეთრ ბეწვს ულაქავებს.
ამ ძაღლების გაწვრთნა რთულია სახლის პირობებში.