იმის მიუხედავად, რომ ნიუფაუნდლენდები დიდი და მძიმე ძაღლები არიან, ბევრი საკვები არ სჭირდებათ. ზედმეტი არ აჭამოთ, ეცადეთ, რომ ცხელ დღეებში საკმარისი ჩრდილითა და წყლით უზრუნველყოთ.
მონაცემები:
წარმოშობა - კანადა
მთავარი დანიშნულება - მარხილის მზიდავი
ტემპერამენტი - გონიერი, მშვიდი
სიც. ხანგრძლივობა 8-10 წელი
მოვლა - ყოველდღიური ვარცხნა.
ვარჯიში - რეგულარული, ზომიერი
მოდარაჯე - კარგი
ხვადი
69-74 სმ
59-68 კგ
ძუ
63-69 სმ
59-68 კგ
კუდი
ფართო და ძლიერი, სიარულისას დაშვებული ან ოდნავ აპრეხილია.
ბეწვი
ტანზე დაწოლილი, წყალგაუმტარი; შეფერილობა: შავი ან ყავისფერი, თეთრი ლაქებით.
ფეხები
წინაც და უკანა ფეხებიც დაკუნთული, ძვალმსხვილი და ღონიერია.
თათები
ტანის პროპორციული, აპკგადაკრული და კატისებური.
სახე
მასიური და ფართო, კეთილგანწყობილი და გონივრული გამომეტყველებით.
თვალები
მუქი ყავისფერი, შედარებით პატარა ზომის და ღრმად ჩამჯდარი.
ცხვირი
შავი, დიდი, ფართო ნესტოებით.
ტანი
ძლიერი, განიერი, დაკუნთული და სრული, ფართო გულმკერდით.
ეს მშვიდი გოლიათები სიამოვნებით დასეირნობენ სახლში, მაგრამ უფრო სასარგებლო იქნება, თუ ზომიერი ვარჯიშით დაკავდებიან. ხშირად უნდა შეეძლოთ წყალში ცურ-ვა, რადგან ამ დროს თავს შესანიშნავად გრძნობენ.
რჩევა:
მიდრეკილია თეძოს დისპლაზიისკენ და გულის თანდაყოლილი დაავადებისკენ.
სანამ გაიზრდებიან, ლეკვობიდანვე უნდა მიაჩვიოთ სიმშვიდესა და მორჩილებას.